BACHE Bene venies gratus et
optatus
per quem noster animus fit
letificatus
Istund vinum bonum vinum
vinum generosum
reddit virum curialem probum
animosum
Iste cyphus concavus de bono mero
profluus
siquis bibit sepius satur fite t ebrius
Istud vinum.
Hec sunt vasa regia quibus spoliatur
ierusalem et regalis babilon ditatur
Istud vinum..
Ex hoc cypho conscii bibent sui domini
bibent sui socii bibent et amici
Istud vinum...
Bachus forte superans pectora
virorum
in amorem concitat animos eorum
Istud vinum...
Bachus sepe visitans mulierum genus
facit eas subditas tibi o tu venus
Istud vinum...
Bachus venas penetrans calido
liquore
facit eas igneas veneris ardore
Istud vinum...
Bachus lenis leniens curas et dolores
confert iocum gaudia risus et amores
Istud vinum...
Bachus mentem femine solet hic
lenire
cogit eam citius viro consentire
Istud vinum.
Aqua prorsus coitum nequit impetrare
bachus illam facile solet expugnare
Istud vinum...
Bachus numen faciens hominem iocudum
reddit eum pariter doctum et facundum
Istud vinum...
Bache deus inclite omnes hic astantes
leti sumus munera tua prelibantes
Istud vinum...
Omnes tibi canimus maxima preconia
te laudantes merito tempora per omnia
Istud vinum...