لشعب مصر جيشنا بيوجه رسالة
هنعيش ندافع عن ترابها في أي حالة
في إيد هتبني وإيد هتمسك السلاح
ولا عمرهم هيفرقونا إستحالة
لشعب مصر جيشنا بيوجه رسالة
لشعب مصر جيشنا بيوجه رسالة

في كل شبر من الصعيد ولحد سيناء
واقفين رجال زي الأسود حبك مالينا
هنوصلك بر الأمان لو مهما كان
إطمأني يا بلدي ده إنت في إيد أمينة

مايكفنيش لو قولت جوة القلب أشيلك
والعمر كله يروح يا مصرنا في سبيلك
أنا عندي أموت ولا حد يلمس يوم ترابك
مفيش في كل الدنيا دي أبدا بديلك

هسيب وصية لإبني لو نولت الشهادة
يحب مصر حبنا بعد العبادة
يخاف عليها ويبني فيها، يخاف عليها يبني فيها طول حياته
وحبه ليها يملا قلبه بالسعادة

حالفين يمين نحميكي من كل الأعادي
وبدمي أفديكي أموت وتعيش بلادي
برفع بإيدي في السماء علمك قصادي
يا مصر لينا تسلمي بهتف وأنادي

ماسك سلاحي ع الحدود واقف حاميكي
يا أغلى حاجة في الوجود العين عليكي
أنا كل يوم سهران عشان أحفظ أمانك
دي أقل حاجة يا حبيبتي أعملها ليكي

بص بعيونك في التاريخ دور تلاقي
حب الوطن ده في دمنا ومعانا باقي
نفديه بروحنا يا كل روحنا، نفديه بروحنا كلنا لو حد ماسه
والشعب كله يبقى مية مليون فدائي
والشعب كله يبقى مية مليون فدائي
آه والشعب كله يبقى مية مليون فدائي
والشعب كله هيبقى مية مليون فدائي
والشعب كله هيبقى مية مليون فدائي