Di mo makikita di mo mararamdaman
Di mo maririnig at di maintindihan
Na hindi na kailangang itanong magduda pag-isipan
Di ko malilimutan lagi kong napapanaginipan
At huwag ka nang magtanong bat gano'n

Merong mga bagay na di na maiiba
Pero habang nabubuhay meron pa ring pag-asa
Na makita ang liwanag kahit sa gitna ng kadiliman
Huwag mong susukuan siguradong mapagbibigyan at
Huwag ka nang magtanong bat gano'n

Papatunayan ko na lang sayo hindi kailangan ng salita
Hindi kita pababayaan hanggang dulo
Hinding-hindi ako susuko
Maghihintay ako

Kahit di makita kahit di maramdaman
Kahit di marinig sana'y maintindihan
Na ayokong mawala ka na baka di na tayo magkita
Laging umaasa pero pano nga kapag wala na
Lumalakas ang bulong
Di ako magmamarunong
Ayoko nang magtanong
Ba't gano'n