نساية نحبك وإنت نساية
نساية من وقت الصغرى والقراية
نساية نحبك وإنت نساية
نساية من وقت الصغرى والقراية

نحبك أنا من وقت اللي سكنتوا حدانا
وشفت على خدك رمانة كي تحكي تخليني حكاية
نحبك أنا من وقت اللي سكنتوا حدانا
وشفت على خدك رمانة كي تحكي تخليني حكاية
وكنا صغار نخاف من الغول والطهار
كنا صغار نخاف من الغول والطهار
ونحشم من غزرة الكبارونصطاد النجمة بغنايا
نساية نحبك وإنت نساية
نساية من وقت الصغرى والقراية

نحبك برشا ملي تخيلتك في الممشى
قمرة حفيانة تتمشى، غزرت إنثبت شفتك جايا
نحبك برشا ملي تخيلتك في الممشى
قمرة حفيانة تتمشى، غزرت إنثبت شفتك جايا
وكنت تراني تعمل عليّ بلعاني
وكنت تراني تعمل عليّ بلعاني
قنديل باب منارة الثاني
ما تضوي كان على اللي حذايا
نساية نحبك وإنت نساية
نساية من وقت الصغرى والقراية

كل عشية كنت نحبك تفطن بيّ
نخرج لك لابس شاشية وبدعية وجبّة قمرايا
كل عشية كنت نحبك تفطن بيّ
نخرج لك لابس شاشية وبدعية وجبّة قمرايا
وبقلماتي نعمل روحي بشنباتي
وبقلماتي نعمل روحي بشنباتي
نسرق لك حمّير أخواتي ونمثل عرس وغنّاية
نساية نحبك وإنت نساية
نساية من وقت الصغرى والقراية

أيامات وأنا عايش كالبايات
في مكتوبي خمـسة بيسات
ونحسب روحي ثروة معايا
أيامات وأنا عايش كالبايات
في مكتوبي خمـسة بيسات
ونحسب روحي ثروة معايا
رحلة غريبة وما بين ضحكة ودمعة سـكيبة
رحلة غريبة وما بين ضحكة ودمعة سـكيبة
ريت في شعري أول شيبة
فطنت بصغري صار ورايا
نساية نحبك وإنت نساية
نساية من وقت الصغرى والقراية

وهاني اليوم نـشوفك في اليقظة وفي النوم
ونضفر لك ذكرى مشموم نهديه لبنتي بحذايا
وهاني اليوم نـشوفك في اليقظة وفي النوم
ونضفر لك ذكرى مشموم نهديه لولدي بحذايا
وعقلي سارح سـؤال قديم وجارح
وعقلي سارح سـؤال قديم وجارح
اش عملنا بأحلام امبارح واش نعمل بأحلامنا الجاية
نساية نحبك وإنت نساية
نساية من وقت الصغرى والقراية