Promié zafér li rapèl
Zinnzan li té sa la sapèl
Pou Alvan, pou vèy tanbour
Épi pou sèy fé la kour in manmzèl

Kinz sézan, saspé plis
In sézon é zot la tonm konplis
Lamouraz la té an lor
Dann kér dann kor té an délis

Dosou bèl pié banian
La di tèl li sar in nonm
In zour zot va fé sérman
« Kaliyanonm

Li rapèl
In zoli manmzèl
Inn ti fi la sapèl
Malbarèz an sari an dantèl
Li rapèl
In zoli sourir
Moukouti an dorir
Promès in lavnir
Lé lwin dan son souvnir

Dé zan la inm an sékré
Dousman dan la kour gran kovil
Mé lér séktanm la rantré
Inn parti aprann lékol dan légzil

« Tou zis dé zan, tyinbo séré
Lo kér i soubat dan la distans
Pa sifizaman paré
I sifi pi inm pandan vakans

Dosou bèl pié banian
La di tèl li sar in nonm
In zour zot va fé sérman
« Tiloumanonm

Rofrin

Bonpé d'nouvèl line pli tar
Zimaz i arvyin, li armazine
Sérpanlsièl dan son mémwar
Sir k' èk sa la bous i akokine

Lot la fine tras son déstin
In tali pandiyé dan son kou
Pwin lo drwa di son sagrin
Mé ofon
Mé ofon son n'ti zié i avou

Dosou bèl pié banian
Tèl li la nni in nonm
Zot noré di fé sérman
Narté di « Onm