Bata batuta isang pera muta
'Di ka mahal ng mundo
Inulila't iwinala
Sino ang aangkin sa iyo

Bata batuta isang perang muta
Saan ka nga ba nanggaling
Ikaw ba'y hulog ng langit
O bunga ng putik at lupa

Magulang mo'y walang mukha
Alaalang ibinaon sa semento
Panaginip mo'y napupuno
Ng 'di nakikilalang mga tao

'Pagkat kulang sa pag-ibig
Ang kinaroroonang mundo
Sa paglaki matututunan mong
Manakit at manloko

Ngunit sa ibabaw ng lahat
Ako'y pinahahanga mo
Saan nakukuha ang lakas
Makipaglaro sa aspalto

O bata batuta umasa ka at mangarap pa
Panahon lamang ang namamagitan
Sa ngayon at sa bukas
At iyo ang bukas

Bata batuta isang perang muta
Ikaw ang binhi ng buhay
Sa taglay mong pangarap
Ang bukas ay naghihintay
Naghihintay

Hmm hmm hmm