Ako ay naglakbay sa amin
Upang doon matagpuan
Ang buhay na para sa akin
Mula sa aking pinagmulan

Habang ako’y nananahimik
Akin silang minamasdan
Mga ngiti nangingibabaw
Kalungkuta'y tinatakpan

Walang kasing lungkot isipin
Sarili lang ang iyong mahal
Lahat naman sa sting paligid
Pati ikaw may hangganan

Dala-dala pati ng hangin
Ramdam ng sangkatauhan
Lahat ng nasa iyong damdamin
Nababasa, Nasasakyan

Kung di maamin sa sarili
Sarili mong kamalian
Kawawa ka, aking kaibigan
Ang dulo mo’y may lalagyan

Akala mo’y sapat na kung
Makita kang nagdadasal
Lahat naman ng iyong gawain
Umaamoy sa lansangan

Dala-dala pati ng hangin
Ramdam ng sangkatauhan
Lahat ng nasa iyong damdamin
Nababasa, Nasasakyan

Dala-dala pati ng hangin
Ramdam ng sangkatauhan
Lahat ng nasa iyong damdamin
Nababasa, Nasasakyan