Kapag
Pag ibig ay kumupas
May darating bang bukas?
May darating bang bukas?


Sana’y
Bumalik na ang liwanag
Nakasisilaw mong liwanag
Sa madilim kong daan

Namutla
Ang mga kulay na pinintahan
Nawala na rin ang kinang
Ng mga bituin at buwan


Napatakan
Na ng luha ang tiwala
Kay tagal nang iningatan




Hindi
Na matanaw ang langit
‘Di maintindihan kung bakit
Ligaya ay pinagkakait


At ‘di ko sukat akalaing darating
Ang panahon na ‘di ko nanaisin
Na ‘di mo ako iisipin

Naglalaro sa isip nang paulit ulit
Saang banda ba tayo nagkamali?
Kulang pa ba ang aking mga halik?


At Kung hindi man natin maibabalik sa dati
Maari bang hawakan mo akong mabuti
Dahil ikaw lang ang gusto kong katabi
Dito sa dilim

Dito sa dilim..