Linggo Ng Muling Pagkabuhay Ng Panginoong Hesukristo:Pagpapahayag Ng Ngayo'y Pasko Ng Pagkabuhay

(Himig 7)
Magalak nga, magalak ngayo't magdiwang
Mga Anghel, mga anghel na kinapal.
Lahat tayo'y, lahat tayo'y mag-awitan
Si Hesuskristo'y nabuhay
s'ya'y ating kaliwanagan.

Tambuli ng, tambuli ng kaligtasan
maghudyat ng, maghudyat ng kagalakan
magsaya ang, magsaya ang sanlibutan.
Si Hesukristo'y nabuhay
s'ya'y ating kaliwanagan.

Hinirang na, hinirang na sambayanan
Bumubuo, bumubuo ng Simbahan
magsaya sa, magsaya sa kaningningan
Si Hesukristo'y nabuhay
s'ya'y ating kaliwanagan.

Ang puso, ang psuo nati't isipan
itaas sa, itaas sa kalangitan
ang Ama'y pa, ang Ama'y pasalamatan
Si Hesukristo'y nabuhay
s'ya'y ating kaliwanagan.

(Himig 8)
Ngayon nga ang kapistahan
ng Panginoong namatay
ukol sa'ting kalayaan.
Si Hesukristo'y nabuhay
s'ya'y ating kaliwanagan.

Ngayon nga ang pagdiriwang
ng muli nating pagsilang
sa tubig ng kaligtasan
Si Hesukristo'y nabuhay
s'ya'y ating kaliwanagan.

D'yos ama ng sanlibutan,
pag-ibig mo't katapatan
patawad sa am'y bigay.
Si Hesukristo'y nabuhay
s'ya'y ating kaliwanagan.

Hain naming itong ilaw
sagisag ng matagumpaw
Na Anak mong minamahal.
Si Hesukristo'y nabuhay
s'ya't ating kaliwanagan.