Ako ang dulo at ikaw ang umpisa
Dal'wa ang dako ng landas nating dal'wa
Ika'y apoy ako ay tubig
Duda ko'y iyong pananalig
Ang tiyak sa iyo ay aking pangamba

Ako'y maghapon at ikaw ay magdamag
Ika'y matapang kung saan ako duwag
Ang iyong huli ay siya kong una
Madali mo'y di ko kaya
At ang aking sige ay siya mong huwag

At pag tayo'y nag-uusap
Parang lupa't alapaap
Nagtatalo ang sigaw at ang bulong
Sala sa ikli at haba
Parang timog at hilaga
Di mahuhulaan kung saan hahantong

Bakit hanggang ngayon tayo ay narito
At may kutob akong kapwa natin gusto
Paano mo maipaliwanag
Kung paano di natitinag
At pagkakaiba ay di naging hadlang
Dahil kaya pag magkasama'y masaya
May kaagapay o kaya
Baka naman pag-ibig lang

At pag tayo'y nag-uusap
Parang lupa't alapaap
Nagtatalo ang sigaw at ang bulong
Ang hindi ko mahagilap
Ang iyong laging nahahanap
Sa isa't isa ang isa't isa'y bugto

Minsan tuloy nalilingap natatangay
Sa piling mo'y wari lahat mayrong saysay
Paano mo maipaliwanag
Kung paano di natitinag
At pagkakaiba ay di naging hadlang
Dahil kaya pag magkasama'y masaya
May kaagapay o kaya
Baka naman pag-ibig lang