Nababagabag ka't
Tagni-tagni pa rin pananampalataya mo sa akin
Nagsisiksikan din
Sa puso mo ang 'yong mga agam-agam
Di mo na nga makuhang pag-abutin pa
Ang iyong takbo at hininga
May nalilimutan ka
Paaalala ko lamang sa'yo

Nauna na kitang mahalin
Nauna na kitang mahalin
Malaon ko na ring itinakda
Na ikaw ay mapapasaakin
Ikaw man ay pabaling-baling
At kabilanin man pag-ibig mo't pansin
Hinding-hindi kita lilisanin
'Pagkat nauna na kitang mahalin



Nababahala ka pihong may sinisingil akong bayad
Sa sala mo
Magkaiba nga ba ang awa ko at aking katarungan
Ay kung gayon malaon na dapat kitang
Pinaubaya sa dilim
May napapansin ka ba
Inilayo nga ba kita sa akin

Nauna na kitang mahalin
Nauna na kitang mahalin
Malaon ko na ring itinakda
Na ikaw ay mapapasaakin
Ikaw man ay pabaling-baling
At kabilanin man pag-ibig mo't pansin
Hinding-hindi ka lilisanin
'Pagkat nauna na kitang mahalin
(2x)