Veslemøy
Ho er mager og myrk og mjå
med brune og reine Drag
og Augo djupe og grå
og stilslegt, dröymande Lag.

Det er som det halvt um halvt
låg ein Svevn yver heile ho
i Rörsle, Tale og alt
ho hev denne döyvde Ro.

Under Panna fager, men låg
lyser Augo som bak ein Eim
det er som dei stirande såg
langt inn i ein annan Heim.

Berre Barmen gjeng sprengd og tung
og det bivrar um Munnen bleik.
Ho er skjelvande sped og veik
midti i det ho er ven og ung.