"Nowel! Owt of your slepe aryse and wake, For God mankynd nowe hath ytake,
Al of a maide without eny make
Of al women she bereth the belle.
And thorwe a maide faire and wys, Now man is made of ful grete pris Now angelys knelen to mannys servys, And at this tyme al this byfel. Now, blessyd brother, graunt us grace A domesday to se thy face.
And in thy courte to have a place, That we mow there synge Nowel."