Diech héls vaan väöl plezeer
Vaan späölselkes en kwisse
Diech puuzzels veur de sport
En mét e fanatisme

De pokers en de blufs
Raaks miech met pêil en baoge
En iech verleer alweer
Van diech mét hartejaoge (diech maags)

Neet foetele neet foetele
Iech kin neet vaan diech winne
Met kaarte of computere
Met peste of beminne
Diech bis väöls te gehaajd veur miech
Wat moot iech mét dien pokerface beginne

Neet foetele neet foetele
Dao kin iech neet mie tege
Wel kaolsele of hoepele
Dao kinste neet bijj lege
Iech gaon liever mét d'ch sjare
Met us hûive naor e kûilke in de rege

Ach iech zouw de gansen daag
Wel mét diech wélle speule
Wie vreuger in de rups
Of in de slingermeule

De späöls Russisch roulét
En iech moot weer 'ns passe
Wél iech mét diech nao béd
Wéls diech weer klaverjasse