Illuxit sol iustitiae
et flores apparuerunt in terra nostra:
invicta patientia, inconcussa fortitudo,
intemerata perseverantia,
immobilis martyris constantia,
dum igne amoris divini succensus
proclamat:
Quis me separabit a charitate Christi?
Tribulatio an angustia?
Non separabit.
An fames, an nuditas?
Non separabit.
Persecutio, an gladius?
Non separabit.
Veniant cruces, veniant flagra,
veniant ignes, veniant ferae,
veniant quaecunque alia tormenta:
haec sunt lavamina,
non separabunt in aeternum.
Dulce mori et pati pro Christo,
quoniam merces eius magnanimis.